Ustoz haqida ma'lumotlar

• Ismi sharifi: Nazira Raxmanova
• Tug'ilgan sanasi: 0067-04-20
• Lavozimi: O'QUV ISHLARI BO'YICHA DIREKTOR O'RINBOSARI
• Faoliyati: Ta'lim tizimida qariyb 40 yillik boy tajriba, yuksak rahbarlik salohiyati va fidokorona mehnati bilan e'tirof etilgan ustoz bugungi kunda ham pedagogik faoliyatini ulkan mas'uliyat bilan davom ettirib kelmoqda. Ta'lim sifatini yuksaltirish, maktab boshqaruvini takomillashtirish hamda yosh avlodni har tomonlama barkamol etib tarbiyalash yo'lidagi xizmatlari uchun 2013-yilda "Xalq ta'limi a'lochisi" ko'krak nishoni bilan taqdirlangan. Xuddi shu yili O'zbekiston Respublikasi Xalq ta'limi vazirligi tavsiyasiga ko'ra Hindistonda tashkil etilgan xalqaro ta'lim anjumanida ishtirok etib, mazkur mamlakatning ilg'or ta'lim tizimi bilan yaqindan tanishgan hamda xalqaro tajriba almashish jarayonida faol qatnashgan. Faoliyati davomida maktab rahbarlari uchun ta'lim sifatini oshirish va zamonaviy boshqaruv usullarini joriy etishga bag'ishlangan qator seminarlar tashkil etgan. Shuningdek, o'quvchilarning ta'lim-tarbiyasi masalalarida ota-onalarning mas'uliyatini oshirish maqsadida yosh ota-onalar uchun seminar va treninglar o'tkazib, ta'lim muassasasi hamda oila hamkorligini mustahkamlashga munosib hissa qo'shgan. 1992-yilda O'zbekiston Milliy universitetining Geografiya fakultetini tamomlagan. Mehnat faoliyatini geografiya fani o'qituvchisi sifatida boshlagan va 1996-yilgacha ushbu yo'nalishda samarali faoliyat yuritgan. 1996–2002-yillarda o'quv-tarbiya ishlari bo'yicha direktor o'rinbosari lavozimida ishlab, ta'lim jarayonlarini samarali tashkil etish va pedagogik jamoa faoliyatini muvofiqlashtirishda o'zining yuqori tashkilotchilik qobiliyatini namoyon etgan. 2002–2014-yillar davomida maktab direktori sifatida faoliyat yuritib, ta'lim muassasasining rivojlanishi, pedagoglar salohiyatini oshirish, o'quvchilar uchun zamonaviy va sifatli ta'lim muhitini yaratish yo'lida samarali mehnat qilgan. Kasbiga sadoqati, boy hayotiy tajribasi, rahbarlik mahorati va ta'lim rivojiga qo'shgan munosib hissasi bilan ustoz ko'plab pedagoglar uchun ibrat maktabi, o'quvchilar va ota-onalar uchun esa yuksak ishonch va hurmat timsoli bo'lib kelmoqda.